سرائیکی قومی اتحاد یوتھ ونگ کی کارنر میٹنگز کا سلسلہ جاری

 

لیاری تیسرٹاون کراچی میں  باقاعدگی سے ہونےوالی کارنرمیٹنگز میں سرائیکی کمیونٹی کی بڑی تعداد سرائیکی قومی اتحاد یوتھ ونگ میں شمولیت اختیار کررہی ہے۔ گزشتہ روز ہونےوالی کارنرمیٹنگ کےدوران سیاسی و سماجی رہنما ملک اکبر نے کہا ہے کہ ہم بغیر تعلیم ترقی نہیں کرسکتے ۔ سرائیکی اپنے بچوں کو زیور تعلیم سے آراستہ کریں۔ ملک اکبر نے سرائیکی برادری پر زور دیتے ہوئے کہا کہ وہ جہاں بھی جس علاقے میں ہوں اپنی شناخت کیلئے اپنا ووٹ رجسٹرڈ کروائیں۔ پاکستان سرائیکی قومی اتحاد یوتھ ونگ کے صدر ملک عمران سرائیکی نے اجلاس سے خطاب کرتے ہوئے کہا کہ بغیر متحد ہوئے ہم اپنی قوم کی خدمت نہیں کرسکتے جس پیشے سے بھی وابستہ ہیں ہمیں فخر ہونا چاہئے ۔ یوتھ ونگ کے صدر ملک عمران سرائیکی نے اجلاس میں بھرپور شرکت کرنے پر سرائیکی برادری کا شکریہ بھی ادا کیا ۔ اس موقع پر انھوں نے مزید کہا کہ جو تنظیمیں بھی سرائیکیوں کے حقوق کیلئے کام کررہی ہیں ہم انہیں خراج تحسین پیش کرتےہیں ۔  انہوں نے میڈیا کا بھی شکریہ ادا کیا کہ وہ ہماری آواز حکومتی ایوانوں تک پہنچاتے ہیں۔ سماجی رہنما خالد پرویز نے کہا کہ اب سرائیکی صوبے کا قیام بہت نزدیک ہے ، سرائیکی قوم جاگ چکی ہے ۔ حکومت سرائیکی صوبے کا اعلان جلد کرے. کارنرمیٹنگ کے دوران پاکستان سرائیکی قومی اتحاد کے وائس چیئرمین مہر شفیق احمد کی صحتیابی کیلئے خصوصی دعا بھی کی گئی۔ اس موقع پر غلام محمد، اخترشاہ، حسنین کھوکھر،قاری محمد عمر،قاری آصف ، شایان سرائیکی ، الہی بخش ، محمد قربان اور محمد مرید  اور دیگر نے بھی شرکت کی ۔